Friday, July 19, 2013

മമ്മൂട്ടിക്കൊരു കുത്ത്!

പ്രിയപ്പെട്ട മമ്മൂട്ടീ,

താങ്കൾ ജൈവകൃഷിക്കായി മുന്നോട്ട് വരികയും സ്വന്തം പാടത്ത് കൃഷി ചെയ്യുകയും ചെയ്യുന്നതിനെക്കുറിച്ച് വായിക്കുവാൻ സാധിച്ചതിൽ അത്യധികമായ സന്തോഷമുണ്ട്. ആനക്കൊമ്പും പുലിത്തോലും മാത്രമല്ല കൃഷിപ്പണിയും സുപ്പർതാരങ്ങളെ ആകർഷിക്കുന്നു എന്നത് കാർഷിക കേരളത്തിന്‌ അഭിമാനിക്കാൻ വക നല്കുന്നു. എന്നാൽ താങ്കൾ മൂന്നു ഞാറുനടാൻ ചേറിൽ ചവിട്ടിയത്കൊണ്ട് കൃഷി രക്ഷപെടും എന്ന് കരുതുന്നെങ്കിൽ അവിടെ താങ്കൾക്ക് തെറ്റിപ്പോയി. താങ്കൾ കണ്ടത്തിൽ ചാടുന്നത് കണ്ടാൽ യുവാക്കൾ കണ്ടത്തിലേക്ക് ഇറങ്ങും എന്ന് കരുതാനാവില്ല. യുവാക്കളെ കൃഷിയിലേക്ക് തിരിച്ച് വിടാൻ താങ്കളുടെ ഒരു സിനിമയുടെ വരുമാനത്തുക എങ്കിലും ചിലവഴിച്ചിട്ട് ക്യാമറക്ക് മുൻപിൽ നിന്നുകൊടുത്തിരുന്നെങ്കിലെന്ന് ആശിച്ച് പോവുന്നു. 

കർഷകരെ സഹായിക്കണം എന്നതായിരുന്നു താങ്കളുടെ യഥാർത്ഥ ലക്ഷ്യമെങ്കിൽ താങ്കളുടെ ജന്മനാട്ടിലെ കർഷകർക്ക് കാർഷികയന്ത്രങ്ങൾ വാങ്ങിക്കൊടുക്കുകയും കൃഷി ചെയ്യാത്ത കണ്ടങ്ങളിൽ കാർഷിക സൊസൈറ്റികൾ രൂപവത്കരിക്കാൻ ധന സഹായം നല്കുകയും ഒക്കെ ചെയ്യാമായിരുന്നു. അല്ലാതെ ഒരു ദിവസം രാവിലെ കൂളിങ്ങ് ഗ്ലാസും വെച്ച് പത്രക്കാരെക്കൊണ്ടൊരു സിനിമ ഷൂട്ട് നടത്തിയാൽ ജനങ്ങളതിലെ പതിര്‌ തിരിച്ചറിയുന്ന കാലം വന്നിരിക്കുന്നു. പണ്ടേയുള്ള, പൊങ്ങച്ചക്കാരൻ എന്ന പൊതുജനാഭിപ്രായം ഒന്നുകൂടി താങ്കൾ അരക്കിട്ട് ഉറപ്പിച്ചിരിക്കുന്നു.

പിന്നെ മറ്റൊരാളെക്കൊണ്ട് അതുമൊരു കർഷകത്തൊഴിലാളിയെക്കൊണ്ട് സ്വന്തം കാലു് കഴുകിച്ചതിന്റെ അനൗചിത്യം ഞാൻ പറഞ്ഞ് തരേണ്ട കാര്യം ഇല്ലല്ലൊ. മാധ്യമങ്ങളത് ആഘോഷിക്കാനും തുടങ്ങിക്കഴിഞ്ഞു. 

വെളുക്കാൻ തേക്കേണ്ടത് ഇങ്ങനെയല്ല, അപ്പോൾ പാണ്ടാവുന്നതിൽ ദുഖിച്ചിട്ടും കാര്യമില്ല.

എന്ന് 

താങ്കളെപ്പോലെ കൃഷിയെ സ്നേഹിക്കുന്ന എന്നാൽ കാര്യമായി ഒന്നും ചെയ്യാൻ ശ്രമിക്കാത്ത ഒരു സിനിമാസ്വാദകൻ

3 comments:

ajith said...

കാര്‍ഷികസ്വയംപര്യാപ്തത!!

ഗൗരിനാഥന്‍ said...

ഹഹഹഹ..നന്നായി

Prakashan said...

sooper thaankalaanu "raajaav thuniyillaathe nadakkunney" ennu vilicchu paranja nishkalankanaaya kutti"
see my blog prakashanone.blogspot.com