Friday, October 2, 2009

ചില ഗാന്ധിയൻ ചിന്തകൾ

ഗാന്ധിജയന്തി സാധാരണ കോങ്ക്രസിന്റെ പുഷ്പാർച്ചനയും ഓർമ്മപ്രസംഗങ്ങളും ആയി ചുരുങ്ങാറാണ് പതിവ്. പക്ഷെ ഇത്തവണ രണ്ട് എമണ്ടൻ ബോംബുകളാണ് ഗാന്ധിജയന്തിക്ക് പൊട്ടിയത്.

ഒന്ന് : നമ്മടെ തരൂരച്ചായന്റെ ജോലിബോംബ്
രണ്ട്: മോണ്ട് ബ്ലാങ്കിന്റെ പേനാബോംബ്

തരൂരച്ചായനും പുള്ളിക്കാരന്റെ ട്വിറ്ററും പണ്ടേ ഫേമസ് ആണല്ലോ. സാധാരണ വിഡ്ഡിത്തരമാണ് എഴുതിവിടാറെങ്കിലും ഇത്തവണ അല്പം കാര്യം ഉള്ള കാര്യമാ പുള്ളീ പറയുന്നത്. എന്നതാന്നല്ലേ. ഗാന്ധിജയന്തി ദിനത്തിൽ എല്ലാവരും ജോലി ചെയ്യണം എന്ന്. വളരെ നല്ല കാര്യമാ. തീർച്ചയായും ഗാന്ധിയൻ ആദർശങ്ങളോട് യോജിക്കും. പക്ഷെ തരൂരച്ചായൻ ആദ്യം പുള്ളിക്കാരന്റെയും മറ്റ് പ്രതി-ന്യൂനപക്ഷ പാർട്ടികളിലെ ഖദറുകളോട് വെല്ല പണീം എടുക്കാൻ പറ. ഗാന്ധിജയന്തി പോട്ടേ വർഷത്തിലെ ഏതെങ്കിലും ഒരു ദിവസം എന്തെങ്കിലും ഒരു പണി എടുത്ത് ജീവിക്ക്.

പിന്നെ താജിൽ താമസിക്കുന്ന തരുരച്ചായൻ ഗാന്ധിജയന്തിക്ക് സ്വന്തമായി കാപ്പി ഇട്ട് കുടിച്ച് ഈ ആദർശം പ്രാവർത്തികം ആക്കണം കേട്ടോ!

അടുത്തത് മോണ്ട് ബ്ലാങ്ക് എന്ന് പേനാക്കമ്പനിയുടെ ഒരു ബോംബ് ആണ്. നമ്മടെ സഖാവച്ചായന്മാരുടെ ഭാഷയും ആഗോള കുത്തകയും ബൂർഷ്വയും ആയ ഒരു കമ്പനി ആണിത്. ഇവരാണ് ഗാന്ധിജിയെ സ്മരിക്കാൻ ലക്ഷങ്ങളുടെ പേന ഇറക്കുന്നത്. പാവപ്പെട്ടവനായി ജീവിച്ച് കാണിച്ച ഗാന്ധിജിയെ ലക്ഷങ്ങൾക്ക് വിക്കുന്ന കമ്പനി ആണ് മഹാത്മ എന്ന പേരിന് യോഗ്യർ.

മഹാത്മ മോണ്ട് ബ്ലാങ്ക് കീ ജയ്.

2 comments:

അച്ചായന് said...

മഹാത്മ മോണ്ട് ബ്ലാങ്ക് കീ ജയ്.

കണ്ണനുണ്ണി said...

:)